«Երիտասարդների հզորացում հանուն ժողովրդավարության Հայաստանում և Վրաստանում»

«Երիտասարդների հզորացում հանուն ժողովրդավարության Հայաստանում և Վրաստանում» ծրագրի նպատակն է բարձրացնել երիտասարդ առաջնորդների կարողությունները և վերականգնել Հայաստանի և Վրաստանի նեղացող քաղաքացիական հասարակության նեղացող տարածքները Հայաստանում և Վրաստանում՝ կարողությունների զարգացման, միջսահմանային փորձի փոխանակման և տեղական նախաձեռնությունների միջոցով։ Նախաձեռնությունը արձագանք է քաղաքացիական հասարակության նկատմամբ աճող սահմանափակումներին, ժողովրդավարական հետընթացին և երիտասարդության սահմանափակ ներգրավվածությանը հանրային կյանքում։ Ծրագրի ավարտին 20 երիտասարդ առաջնորդներ կզինվեն ժողովրդավարական արժեքների և մարդու իրավունքների պաշտպանության համար անհրաժեշտ գիտելիքներով, հմտություններով և գործիքակազմով, ինչպես նաև կհիմնվի միջսահմանային երիտասարդական ցանց՝ հետագա համագործակցությունն ու համերաշխությունը խթանելու համար։

Հիմնական գործողություններ

1. Քաղաքացիական ակտիվիզմի, մարդու իրավունքների, ժողովրդավարական կառավարման, գենդերային հավասարության և քաղաքականության ջատագովության վերաբերյալ համապարփակ դասընթացի մշակման և անցկացման ապահովում, որը ներառում է՝
   • 5-օրյա առցանց վերապատրաստում դասավանդողների համար,
   • 5-օրյա կարողությունների զարգացման առկա դասընթաց Հայաստանում՝ 20 երիտասարդ առաջնորդների (10-ական՝ յուրաքանչյուր երկրից) համար։
2. Մենթորություն և աջակցություն մասնակիցներին՝ առնվազն 5 համատեղ երիտասարդական քաղաքացիական նախաձեռնությունների նախագծման և իրագործման համար, որոնք կանդրադառնան մարդու իրավունքներին և քաղաքացիական ներգրավվածությանը՝ ուղղակիորեն հասնելով առնվազն 150 երիտասարդի Հայաստանում և Վրաստանում։
3. 3-օրյա միջսահմանային փորձի փոխանակման ծրագիր Վրաստանում՝ երկու երկրների երիտասարդ առաջնորդների միջև համագործակցությունը, փոխադարձ ուսուցումն ու վստահությունը խթանելու համար։
4. Երիտասարդության և ժողովրդավարության վերաբերյալ տարածաշրջանային ֆորում/համաժողովի կազմակերպում Հայաստանում՝ նախագծի արդյունքները ներկայացնելու, լավագույն փորձի փոխանակման և քաղաքացիական հասարակության շահակիցների և որոշում կայացնողների համար քաղաքական առաջարկություններ ներկայացնելու նպատակով։
5. Շարունակական համագործակցությունը պահպանելու, երկխոսությունը խթանելու և ապագա երիտասարդական ժողովրդավարական նախաձեռնությունները զարգացնելու նպատակով շրջանավարտների ցանցի հիմնում։

Տևողությունը՝ 01․06․2025 – 31․12․2025
Բյուջե՝ €52,970
Իրականացման վայրը՝ Հայաստան, Վրաստան

Ծրագիրն իրականացվում է ՕքսԵՋեն հիմնադրամի կողմից՝ համագործակցությամբ Գորիի երիտասարդական կենտրոնի (Վրաստան) հետ՝ Նոր ժողովրդավարության հիմնադրամի աջակցությամբ։