Skip to main content
Սպասվող միջոցառումներ

«ՀԱՎԱՍԱՐ»-ի  մարաթոն

Սույն թվականի սեպտեմբերի 29-ին կայանալիք ՏԻՄ ընտրություններին ընդառաջ ՕքսԵՋեն հիմնադրամը, իր  գործընկեր ՄԱԿ-ի Զարգացման ծրագրի հայաստանյան գրասենյակի հետ համատեղ նախաձեռնել է «ՀԱՎԱՍԱՐ»-ի մարաթոն միջոցառումների շարքը:

Նախաձեռնության նպատակն էր ՏԻՄ ընտրություններին ընդառաջ այցելել բոլոր այն համայքները, որտեղ կայանալու են տեղական ինքնակառավարման մարմինների ընտրություններ և համայնքի բնակիչների հետ խոսել ՏԻՄի դերի կարևորության, ընտրություններում ակտիվ մասնակցության անհրաժեշտության մասին, ընդգծելով համայնքային խնդիրների լուծման գործում կանանց և տղամարդկանց հավասար մասնակցության կարևորությունը, ինչպես նաև խրախուսելով կանանց մասնակից դառնալ ՏԻՄ որոշում կայացման գործընթացներին, առաջադրվել որպես թեկնածուներ:

Նախաձեռնության կարգախոսն էր՝ «ՏԻՄ 2019. հավասար մասնակցություն՝ հզոր համայնք» և «Ավելի շատ թվով կանայք ՏԻՄերում»:

«ՀԱՎԱՍԱՐի վազքարշավ»-ի շրջանակներում միջոցառումներ  անցկացվեցին համայքնի առավել բանուկ հատվածներում, որտեղ հյուրերը՝ քաղաքական գործիչներ, ոլորտի փորձագետներ, պետական կառույցի պատասխանատուները խոսեցին ՏԻՄ-ի դերի և ՏԻՄ-ի ձևավորման գործընթացում հավասար մասնակցության ապահովման կարևորության մասին: Միջոցառման ընթացքում  իրենց ակտիվ դերակատարությունը ունեցան նաև մարզի, համայքի ակտիվ երիտասարդները, ովքեր տարածեցին նախաձեռնության հիմնական ուղերձները:

 

Արարատի մարզ

[smartslider3 slider=19]

Արմավիրի մարզ

[smartslider3 slider=20]

Արագածոտնի մարզ

[smartslider3 slider=18]

Տավուշի մարզ

[smartslider3 slider=21]

 

Գեղարքունիքի մարզ

[smartslider3 slider=22]

Լոռու մարզ

[smartslider3 slider=25]
Նախաձեռնությունն իրականացվեց  «Կանայք քաղաքականության մեջ» ծրագրի շրջանակներում: Ծրագիրն իրականացվում է ՄԱԿի Զարգացման ծրագրի հայաստանյան գրասենյակի և ՕքսԵՋեն հիմնադրամի կողմից՝ ՀՀ տարածքային կառավարման և ենթակառուցվածքների նախարարության հետ համագործակցությամբ՝ Մեծ Բրիտանիայի «Լավ կառավարման հիմնադրամի» ֆինանսական աջակցությամբ: