Նորարար գաղափարների հեքեթոն․ միացիր մեզ՝ մեծացնելու աշխատաշուկայում կանանց մասնակցությունը

Եթե դու՝

• տեղեկատվական տեխնոլոգիաների ոլորտի միջին մասնագիտական կրթական հաստատության ուսանող ես կամ շրջանավարտ (մինչև 25 տարեկան, իգական սեռ),
• կարծում ես, որ միջին մասնագիտական կրթության և աշխատաշուկայի պահանջների միջև առկա են բացեր,
• ունես այդ բացերը լրացնելուն և աշխատաշուկայում կանանց ներգրավվածությունը խթանելուն ուղղված հետաքրքիր գաղափարներներ և հավատում ես, որ քո գաղափարով կկարողանաս արդյունավետ ներդրում ունենալ ոլորտի բարեփոխման գործում,
• ունես գաղափարակիցներ, որոնց հետ կարող ես թիմ կազմել,
• ունես ցանկություն ու ձգտում՝ ներկայացնելու քո գաղափարը, զարգացնելու այն ոլորտի առաջատար մասնագետների հետ և իրականացնելու՝ ընտրվելու դեպքում,

ապա՝

ՕքսԵՋեն հիմնադրամը Սոլիդարիթի Սենթեր հայաստանյան մասնաճյուղի հետ իրականացվող ծրագրի շրջանակներում սիրով հրավիրում է մասնակցելու «Նորարար լուծումներ աշխատաշուկայում կանանց մասնակցության խթանման համար» գաղափարների հեքեթոնին։

Հեքեթոնի նպատակն է վեր հանել աշխատաշուկայի պահանջները և միջին մասնագիտական կրթության ոլորտւմ առկա բացերը՝ հատուկ ուշադրություն դարձնելով գենդերային հավասարությանը և աշխատաշուկայում կանանց մասնակցությանը խոչընդոտող գործոններին: Խրախուսվում են տեղեկատվական տեխնոլոգիաների վրա հիմնված լուծումներն ու գաղափարները՝ ուղղված այնպիսի հմտությունների զարգացմանը, ինչպիսիք են առաջնորդությունը, թիմային աշխատանքը, հաղորդակցման հմտությունները:

Հեքեթոնն անցկացվելու է հետևյալ փուլերով.

1. հայտերի ընդունում,
2. երեք լավագույն գաղափարների ընտրություն,
3. երկօրյա աշխատաժողով ընտրված թիմերի հետ՝ փորձագետների, գործատուների և կրթության ոլորտի մասնագետների հետ հարցերն ու լուծումները քննարկելու և նախապես ընտրված գաղափարների հետագա մշակման նպատակով,
4. նախագծերի ներկայացում ժյուրիին, լավագույն նախագծի ընտրություն,
5. ընտրված նախագծի ֆինանսավորում և իրականացում։

Ծրագրի նախընտրական փուլը հաղթահարած երեք թիմերը հնարավորություն կունենան հանդիպելու ոլորտում առաջատար մասնագետների հետ, որոնք որպես մենթորներ կառաջնորդեն թիմերի ներկայացրած գաղափարների զարգացումը։

Մրցանակային ֆոնդը՝ 400,000 ՀՀ դրամ

Ծրագրի տևողությունը՝ 3-6 ամիս

Ծրագրին մասնակցության համար խնդրում ենք լրացնել ԿԻՑ ՀԱՅՏԸ մինչ ս․թ․ նոյեմբերի 6-ը ներառյալ։

 Մրցույթի  մասնակիցների նախնական ընտրությունը կկատարվի լրացված հայտերի հիման վրա։

Հավելյալ տեղեկությունների համար կարող եք դիմել ՕքսԵՋեն հիմնադրամի ծրագրերի պատասխանատու Մերի Մուրադյանին (էլ փոստ՝ [email protected], հեռ․՝ +374 99519752):

Նախաձեռնությունն իրականացվում է ՕքսԵՋեն հիմնադրամի կողմից Սոլիդարիթի Սենթեր հայաստանյան մասնաճյուղի հետ համատեղ իրականացվող «Աշխատաշուկայում կանանց մասնակցության խթանում» ծրագրի շրջանակում։